La Bible en fongbe

Ɖɛhan 150 - Paumes 150

Mi kpa Mawu Mavɔmavɔ! Mi kpa susu nú Mawu ɖo nɔtɛn mímɛ́ tɔn. Mi kpa susu n'i ɖo jǐxwé, fí e hlɔ̌nhlɔ́n tɔn ɖo azɔ̌ wa ɖe wɛ é.
150.1 Louez le Seigneur ! Louez le Seigneur (Yah) ! Louez Dieu dans son sanctuaire ! Louez-le dans la voûte céleste où se déploie sa puissance !

Mi kpa susu n'i ɖó nǔ ɖaxó ɖaxó e é bló lɛ́ɛ tamɛ. Mi kpa susu n'i ɖó lě e é xɔ susu sɔ é tamɛ.
150.2 Louez-le pour ses hauts faits ! Louez-le selon l’immensité de sa grandeur !

Mi kún lanzo dó kpa susu n'i, mi xo kanhún kanwǒnɔ kpó kantántɔnnɔ kpó dó kpa susu n'i.
150.3 Louez-le au son de la trompe ! Louez-le avec le luth et la lyre !

Mi xo hǔnví bó ɖú we dó kpa susu n'i, mi xo kanhún dó kpa susu n'i. Mi kún kpete dó kpa susu n'i.
150.4 Louez-le avec le tambourin et avec des danses ! Louez-le avec les instruments à cordes et le chalumeau !

Mi xo gan e ɖi gbe ganjí é dó kpa susu n'i. Mi xo gan sú dó kpa susu n'i.
150.5 Louez-le avec les cymbales sonores ! Louez-le avec les cymbales de l’acclamation !

Nǔ e ɖó funfún é bǐ ní kpa susu nú Mawu Mavɔmavɔ. Mi kpa Mawu Mavɔmavɔ!
150.6 Que tout ce qui respire loue le Seigneur (Yah) ! Louez le Seigneur (Yah) !